انا اسمي السعدية وفاين هو هاد السعد قلت لامي
كل نهار لهضرة كل نهار الشقا علاش ماقريتونيش علاش...الام ردات عليها علا أنا أبنتي كرهت نقريك راه باك مابغاش و تايقوليك ماعندوش بنات اللي يخرجو من الدار . حياتي كلها صابون و عجينة و كانت أمنيتي أني نقرا لكن با مابغاش كان ديما كيعتابر باللي لعيالات من الدرجة الثانية .. ماعندهم حق فوالو. كنت ساكنة فواحد الدوار فحد ولاد فرج واخا كنت نجفف ماكتبان حتى حاجة نقية مع داك لحمري ... كانو عندي جوج خواتات كبار بجوج مزوجات بقيت غير أنا ندور جناب با مايجيب لي لبسة مقادة لا والو يما صباط لميكة اللي مجموع مع الرجل في وقيت لعصر كنوجد أتاي و نخرج نديع تانبقى غادا حتى نعيا و نرجع هكاك ولفت حتا ولاو يقولو عليا لهبيلة . كنت ديما شادة لعكس مع جارتنا فاطنة ماكنحملهاش الا نشرات لحوايج كانخليها حتا دخل نهز حفنة تراب و نظرب بيه نشيرها .. كانت ديما تجي تبرا و كانسمع من با غير لهضرة الزوينة يا سلام .. كانت حياتي مملة لا راجل لا قرايا لا عقل كيف قالو ناس الدوار .. ديك جارتنا فاطنا كان عندها ولد سميتو مصطفى في هولندا .. كان ملتازم مزوج بهولندية دخلها لطريق ربي ... فواحد الصيف فقت صبااااح بكري خرجت شي ماعن برا نغسلهم جلست فوق واحد لحجرة كانشلل فشي كيسان و كاتبان لي واااحد طوموبيل جاية من بعيد أنا عرفتو براني كانو من دوك طوموبيلات لكبار بقيت حاضياهم حتى وقفات في نص الطريق ههه كنت قواسة شوية تحركوا تاني جيهت جارتنا ... قلت مايكون غير ولدها مصطفى و بالفعل وقفو قدام بابها نزل هو لابس سليب و شورت و داير اللحة و هاز داك الصاك الصغير على جنب ... نزلات مرتوا الصراحة كانت غزااالة الطولة و لبيوضية .. ولكن ماكانوش بوحدهم نزلات معاهم مرا كبيرة و واحد راجل زعر عرفتهم نصارى غير من الشوفة و باينة من عائة مرتو ملي نزلو دارو جيهتي
هبطو راسهم و طلعوه زعما السلام من بعيد .. وحتى انا درت ليهم باي باي من بعيد .. خرجات ديك لمعوقبة ديال لمو من لباب و حلا دراعها كاتعنق فيه .. تقول بوحدها اللي والدة .. حتى لمشة ديالنا راه والدة ... ماكملات سلامها حتى كانت غادي تنتف ليه دوك زغابي اللي مربي ... لمهم دخلو و داك زعر قبل مايدخل شاف فيا ضحك و دخل ... ماعرفت والديه واش ضحك ليا و لا ضحك على سروالي اللي متقوب . الله يتبعهم لبلا .. لا ديك فاطنة و لا لكفار لي دخلات ... جمعت دوك لماعن دخلتهم نعجن أنا ندلك و فمي يسب ... خرجت نطيب لخبز في فران لعواد برا كانت ديك الساعة شمس طلعت لقيت فاطنة سبقاتني بقيت نتسنى حداها حتا تسالي .. قلت ندير الصواب قلت ليها على سلامة ولدك .. قالت لي حظيتيه يا بنت لمشgة .. عوجت فمي و عطيتها بظهري و بقيت نعايرها غير من تحت نيفي حيت با حرم عليا نجبد معاها صداع ... شوية خرج داك الصفريط بديك السبرديلة و شورط خارج كايجري .. سالات فاطنة و بديت نطيب لخبز مع لفران شوية بعيد على الدار مشات بقيت بوحدي .... داك زعر رااااااه فين مشا كون شدو با كون يسرح بيه لبهايم بقات لي خبزة وحدة باش الطيب أتا وقف عليا كي الزلط بسم الله الرحمان الرحيم كنتي ليه كيدرتي وصلتي هنا ... بقا كايضحك و كاينقز حدايا مابغاش يوقف مع طويل درت يديا على جبهتي باش يبان لي وجهو و الصراحة زيييييين تايقول شي حاجة و الله مافهتمك ألشريف تاينعت ليا لبير و تايهضر .. و أنا نقول ليه و الله و ما مشيتي من حدايا حتى نلوحك فيه. بتاسم و دار لي بصبعو لكبير زعما راني معلمة .. ضحك تاني و مشا يجري دخل لديك لعشة .. دخلت للدار صايبت لغدا جا با من السوق تغدينا و جمعت الدار سمعت مي كاتقول ليه وا ميلود خاصنا نمشيو عند فاطنة نقولو ليها على سلامة ولدها ..
جات عندي قالت ليا سيري غسلي ديك لكمارا و لبسي مزيان تمشي معانا .. واااا مي وا ماغنمشيش معاكم غير سيرو نتوما ... لا أبنتي حشومة خاصك تمشي معانا نديرو الصواب ... عياتني و انا ندير ليها خاطرها مشيت غسلت رجليا و وجهي و مشطت شعري لبست واحد لكسوة عكرية كانت جابتها لي خالتي من الدار البيضا و كحلت عويناتي ... و انا نقول ليهم يالله .. شافني با و هو يقول تبارك الله تبارك الله هاد الزين كلو عندي و مافخباريش و انا حدرت راسي حشمت ... دغيا قلب لهضرة سيري الله يغبر ليك الشقف آش هاد لحالة ... سمعاتو مي قالت ليه غير خليها حشومة يشوفوها حالتها .. خنزر فينا و خرج . هزات مي شي قوالب و مشينا دقينا لباب خرجات لينا فااطنة بقاو يتسالمو يتسالمو و يتصاوبوا بيناتهم حتى عواج ضهري بالوقوف .. و الله ماحاشاتها ليا ... حتى أنا تقزدرت و دخلت لقيت لبيت منورة بدوك الناس سلمت معاهم واحد واحد و جلست حدا مرت مصطفى ... كيهضرو بيناتهم بالهولندية أنا مافهمتش و لكن عرفتهم كيهضرو عليا حيت هاداك اللي لكاوري كاينعت ليها غير بعاينيه و أنا ديك الساعة مانكدبش عليكم أول مرة نحس براسي حشمانة نيت و لعرق كينزل و حادرة راسي و هاداك قدامي كايحنزز فيا مي كاتهضدر مع مصطفى كيداير كيدايرة لغربة و با هو كيتسنى غير في أتاي يتحط قالت لي مرات مصطفى لاباس .. قلت ليها لاباس ماهزيتش فيها عيني هاديك هي لكلمة اللي حفظات ... كانطلب غير يمتى نخرجو حسيت براسي تقجيت .. لمهم شفت با ومي وقفو فرحت حيت غادي نخرجو نضت بديت نسلم معاهم وصلت لداك لكاوري اللي عرفت سميتو هي.(جوان ) .. أرا مايكميك لواليد ... سلمت معاه بقا شاد لي يديا و كايشوف فيا هربت يديا و خرجت تبعت مي ... لمهم سمعت باللي غايبقاو 15 يوم هنا في الدوار .. نقوليكم حاجة من نهار مشيت عندهم
حطيت لعين على جوان ... وليت ديما نقاد راسي ملي نبغي نجيب لما و لا نغسل لماعن و كنت ديما نشوفو كيشوف فيا ..حاظيني و حاظياه ... واحد النهار كنت كانطيب لخبز بان لي مصطفي مع جوان غادين عند با ..لبلاصة اللي سارح فيها و كانشوف فيهم من بعيد كايهضرو و شوية تسالمو أنا طرت من لفرحة يعني قالو ليه عليا شي حاجة ... طيبت داك لخبز ومشيت للدار حشمانة و تغدينا و كانتسنى با غير يهضر يقول شي حاجة .. شوية قالينا راه ولد فاطنة و داك اللي جاب معاه جاو عندي و أنا ديك الساعة فرحااااانة ... و كمل هضرتو بغاو ... غير سمعت بغاو حسيت بقلبي طاااااااير ... كمل أ با أش بغاو ... تي مال مك كاتنقزي خليني نكمل ... كمل أ با كمل جاو بغاو حاولي يدبحوه عارضين على شي ناس من لمدينة .. و راه بعتو ليهم ... ناااااري ماتصوروش باش حسيت بحال إلا ضربني الضو .. مرضت فيها يومين ..آش هاد الزهر عندي .. إيوا و أنا مريضة كنت متكية و حازمة راسي كانسمع فاطنة ولدها و دوك الهولنديين دخلو لعندنا .. أنا غير كنت نسمع متكية في واحد لبيت قريب للصالة ... سلام سلام و ديك لهضرة لخاوية مرحبا بكم و كدا و مرحبا بنا عندكم .. سمعت لهولندية خدامة و لعربية خدامة حتى تلفت ... شوية فرزت هضرت مصطفى داوي مع با قاليه باللي خو مرتو بغا بنتك لطيفة ... نضت حيت الزيف اللي حازمة بيه راسي و لصقت ودني مع لحيط .. قاليه با شوف أولدي أنا مانعطيش بنتي لواحد كافر ... حسيت بالبكية .. جاوبوا مصطفى و ا عمي ميلود راه نهار سلمات مرتي حتى هو عجبو الدين ديالنا و سلم و هو اللي عجباتو البنت .. و الصراحة راه راجل الله يعمرها دار .. قاليه با إيوا أش نقوليك كانعرفك انت ولد الناس و ظريف و مللي جا من عندك ماعندي مانقول من غيرالله يكمل ... نسيت لمرض و جمعت شعري بواحد لبانضة و بقيت جالسة في البيت جات عندي لواليدة ... زعما كاتعلمني و دايرة راسي يالله غادي نعرف و تانقوليها اللي بغاها با هي اللي تكون مانخصرش ليه خاطرو ... لمهم مابقاوش بزاف و مشاو و قالو غادي يرجعو لغد ليه باش نديرو خطبة رسمية واخا ماكنفهمو ما كايفهمني ندويو غي بالإشارات لمهم كنت فرحااااانة و ماقاداني دنيا و لات عزيزة عليا فاطنة نوض الصباح و ندي ليها لمسمن ... ايوا ديك الليلة لبست تفينة ديالي و كحلت و تقاديت و دوزنا خطبة من داكشي .. و الزواج تافقنا عليه حتى يعاودو يرجعو من بعد شهرين ... و داكشي اللي كان رجعو غير 5 أيام كان كيصيفط لفلوس لواليد ديالي باش يوجد لعرس .. جاو الناس اللي كانعرفو من كاع الدواور و داز لعرس غزاااااال ما كين غير الشطيح ..بقيت في دارنا شي 4 أشهر عاد لحقت عليه على قبل لوراق ... كان مصطفى تما كايعلمني ديما شي كليمات شي كليمات حتى تعلمت لهولندية و حتى انا كنت من لعام لعام تانهبط لبلاد و نتوحش با حيت ماكنتش كانتوحشو و تهنيت من داك شقا لعروبية ... و كنت ديما تانقول ماعندي زهر و أنا زهري كان مخبي لي سعدي ..
النهاية .
كل نهار لهضرة كل نهار الشقا علاش ماقريتونيش علاش...الام ردات عليها علا أنا أبنتي كرهت نقريك راه باك مابغاش و تايقوليك ماعندوش بنات اللي يخرجو من الدار . حياتي كلها صابون و عجينة و كانت أمنيتي أني نقرا لكن با مابغاش كان ديما كيعتابر باللي لعيالات من الدرجة الثانية .. ماعندهم حق فوالو. كنت ساكنة فواحد الدوار فحد ولاد فرج واخا كنت نجفف ماكتبان حتى حاجة نقية مع داك لحمري ... كانو عندي جوج خواتات كبار بجوج مزوجات بقيت غير أنا ندور جناب با مايجيب لي لبسة مقادة لا والو يما صباط لميكة اللي مجموع مع الرجل في وقيت لعصر كنوجد أتاي و نخرج نديع تانبقى غادا حتى نعيا و نرجع هكاك ولفت حتا ولاو يقولو عليا لهبيلة . كنت ديما شادة لعكس مع جارتنا فاطنة ماكنحملهاش الا نشرات لحوايج كانخليها حتا دخل نهز حفنة تراب و نظرب بيه نشيرها .. كانت ديما تجي تبرا و كانسمع من با غير لهضرة الزوينة يا سلام .. كانت حياتي مملة لا راجل لا قرايا لا عقل كيف قالو ناس الدوار .. ديك جارتنا فاطنا كان عندها ولد سميتو مصطفى في هولندا .. كان ملتازم مزوج بهولندية دخلها لطريق ربي ... فواحد الصيف فقت صبااااح بكري خرجت شي ماعن برا نغسلهم جلست فوق واحد لحجرة كانشلل فشي كيسان و كاتبان لي واااحد طوموبيل جاية من بعيد أنا عرفتو براني كانو من دوك طوموبيلات لكبار بقيت حاضياهم حتى وقفات في نص الطريق ههه كنت قواسة شوية تحركوا تاني جيهت جارتنا ... قلت مايكون غير ولدها مصطفى و بالفعل وقفو قدام بابها نزل هو لابس سليب و شورت و داير اللحة و هاز داك الصاك الصغير على جنب ... نزلات مرتوا الصراحة كانت غزااالة الطولة و لبيوضية .. ولكن ماكانوش بوحدهم نزلات معاهم مرا كبيرة و واحد راجل زعر عرفتهم نصارى غير من الشوفة و باينة من عائة مرتو ملي نزلو دارو جيهتي
هبطو راسهم و طلعوه زعما السلام من بعيد .. وحتى انا درت ليهم باي باي من بعيد .. خرجات ديك لمعوقبة ديال لمو من لباب و حلا دراعها كاتعنق فيه .. تقول بوحدها اللي والدة .. حتى لمشة ديالنا راه والدة ... ماكملات سلامها حتى كانت غادي تنتف ليه دوك زغابي اللي مربي ... لمهم دخلو و داك زعر قبل مايدخل شاف فيا ضحك و دخل ... ماعرفت والديه واش ضحك ليا و لا ضحك على سروالي اللي متقوب . الله يتبعهم لبلا .. لا ديك فاطنة و لا لكفار لي دخلات ... جمعت دوك لماعن دخلتهم نعجن أنا ندلك و فمي يسب ... خرجت نطيب لخبز في فران لعواد برا كانت ديك الساعة شمس طلعت لقيت فاطنة سبقاتني بقيت نتسنى حداها حتا تسالي .. قلت ندير الصواب قلت ليها على سلامة ولدك .. قالت لي حظيتيه يا بنت لمشgة .. عوجت فمي و عطيتها بظهري و بقيت نعايرها غير من تحت نيفي حيت با حرم عليا نجبد معاها صداع ... شوية خرج داك الصفريط بديك السبرديلة و شورط خارج كايجري .. سالات فاطنة و بديت نطيب لخبز مع لفران شوية بعيد على الدار مشات بقيت بوحدي .... داك زعر رااااااه فين مشا كون شدو با كون يسرح بيه لبهايم بقات لي خبزة وحدة باش الطيب أتا وقف عليا كي الزلط بسم الله الرحمان الرحيم كنتي ليه كيدرتي وصلتي هنا ... بقا كايضحك و كاينقز حدايا مابغاش يوقف مع طويل درت يديا على جبهتي باش يبان لي وجهو و الصراحة زيييييين تايقول شي حاجة و الله مافهتمك ألشريف تاينعت ليا لبير و تايهضر .. و أنا نقول ليه و الله و ما مشيتي من حدايا حتى نلوحك فيه. بتاسم و دار لي بصبعو لكبير زعما راني معلمة .. ضحك تاني و مشا يجري دخل لديك لعشة .. دخلت للدار صايبت لغدا جا با من السوق تغدينا و جمعت الدار سمعت مي كاتقول ليه وا ميلود خاصنا نمشيو عند فاطنة نقولو ليها على سلامة ولدها ..
جات عندي قالت ليا سيري غسلي ديك لكمارا و لبسي مزيان تمشي معانا .. واااا مي وا ماغنمشيش معاكم غير سيرو نتوما ... لا أبنتي حشومة خاصك تمشي معانا نديرو الصواب ... عياتني و انا ندير ليها خاطرها مشيت غسلت رجليا و وجهي و مشطت شعري لبست واحد لكسوة عكرية كانت جابتها لي خالتي من الدار البيضا و كحلت عويناتي ... و انا نقول ليهم يالله .. شافني با و هو يقول تبارك الله تبارك الله هاد الزين كلو عندي و مافخباريش و انا حدرت راسي حشمت ... دغيا قلب لهضرة سيري الله يغبر ليك الشقف آش هاد لحالة ... سمعاتو مي قالت ليه غير خليها حشومة يشوفوها حالتها .. خنزر فينا و خرج . هزات مي شي قوالب و مشينا دقينا لباب خرجات لينا فااطنة بقاو يتسالمو يتسالمو و يتصاوبوا بيناتهم حتى عواج ضهري بالوقوف .. و الله ماحاشاتها ليا ... حتى أنا تقزدرت و دخلت لقيت لبيت منورة بدوك الناس سلمت معاهم واحد واحد و جلست حدا مرت مصطفى ... كيهضرو بيناتهم بالهولندية أنا مافهمتش و لكن عرفتهم كيهضرو عليا حيت هاداك اللي لكاوري كاينعت ليها غير بعاينيه و أنا ديك الساعة مانكدبش عليكم أول مرة نحس براسي حشمانة نيت و لعرق كينزل و حادرة راسي و هاداك قدامي كايحنزز فيا مي كاتهضدر مع مصطفى كيداير كيدايرة لغربة و با هو كيتسنى غير في أتاي يتحط قالت لي مرات مصطفى لاباس .. قلت ليها لاباس ماهزيتش فيها عيني هاديك هي لكلمة اللي حفظات ... كانطلب غير يمتى نخرجو حسيت براسي تقجيت .. لمهم شفت با ومي وقفو فرحت حيت غادي نخرجو نضت بديت نسلم معاهم وصلت لداك لكاوري اللي عرفت سميتو هي.(جوان ) .. أرا مايكميك لواليد ... سلمت معاه بقا شاد لي يديا و كايشوف فيا هربت يديا و خرجت تبعت مي ... لمهم سمعت باللي غايبقاو 15 يوم هنا في الدوار .. نقوليكم حاجة من نهار مشيت عندهم
حطيت لعين على جوان ... وليت ديما نقاد راسي ملي نبغي نجيب لما و لا نغسل لماعن و كنت ديما نشوفو كيشوف فيا ..حاظيني و حاظياه ... واحد النهار كنت كانطيب لخبز بان لي مصطفي مع جوان غادين عند با ..لبلاصة اللي سارح فيها و كانشوف فيهم من بعيد كايهضرو و شوية تسالمو أنا طرت من لفرحة يعني قالو ليه عليا شي حاجة ... طيبت داك لخبز ومشيت للدار حشمانة و تغدينا و كانتسنى با غير يهضر يقول شي حاجة .. شوية قالينا راه ولد فاطنة و داك اللي جاب معاه جاو عندي و أنا ديك الساعة فرحااااانة ... و كمل هضرتو بغاو ... غير سمعت بغاو حسيت بقلبي طاااااااير ... كمل أ با أش بغاو ... تي مال مك كاتنقزي خليني نكمل ... كمل أ با كمل جاو بغاو حاولي يدبحوه عارضين على شي ناس من لمدينة .. و راه بعتو ليهم ... ناااااري ماتصوروش باش حسيت بحال إلا ضربني الضو .. مرضت فيها يومين ..آش هاد الزهر عندي .. إيوا و أنا مريضة كنت متكية و حازمة راسي كانسمع فاطنة ولدها و دوك الهولنديين دخلو لعندنا .. أنا غير كنت نسمع متكية في واحد لبيت قريب للصالة ... سلام سلام و ديك لهضرة لخاوية مرحبا بكم و كدا و مرحبا بنا عندكم .. سمعت لهولندية خدامة و لعربية خدامة حتى تلفت ... شوية فرزت هضرت مصطفى داوي مع با قاليه باللي خو مرتو بغا بنتك لطيفة ... نضت حيت الزيف اللي حازمة بيه راسي و لصقت ودني مع لحيط .. قاليه با شوف أولدي أنا مانعطيش بنتي لواحد كافر ... حسيت بالبكية .. جاوبوا مصطفى و ا عمي ميلود راه نهار سلمات مرتي حتى هو عجبو الدين ديالنا و سلم و هو اللي عجباتو البنت .. و الصراحة راه راجل الله يعمرها دار .. قاليه با إيوا أش نقوليك كانعرفك انت ولد الناس و ظريف و مللي جا من عندك ماعندي مانقول من غيرالله يكمل ... نسيت لمرض و جمعت شعري بواحد لبانضة و بقيت جالسة في البيت جات عندي لواليدة ... زعما كاتعلمني و دايرة راسي يالله غادي نعرف و تانقوليها اللي بغاها با هي اللي تكون مانخصرش ليه خاطرو ... لمهم مابقاوش بزاف و مشاو و قالو غادي يرجعو لغد ليه باش نديرو خطبة رسمية واخا ماكنفهمو ما كايفهمني ندويو غي بالإشارات لمهم كنت فرحااااانة و ماقاداني دنيا و لات عزيزة عليا فاطنة نوض الصباح و ندي ليها لمسمن ... ايوا ديك الليلة لبست تفينة ديالي و كحلت و تقاديت و دوزنا خطبة من داكشي .. و الزواج تافقنا عليه حتى يعاودو يرجعو من بعد شهرين ... و داكشي اللي كان رجعو غير 5 أيام كان كيصيفط لفلوس لواليد ديالي باش يوجد لعرس .. جاو الناس اللي كانعرفو من كاع الدواور و داز لعرس غزاااااال ما كين غير الشطيح ..بقيت في دارنا شي 4 أشهر عاد لحقت عليه على قبل لوراق ... كان مصطفى تما كايعلمني ديما شي كليمات شي كليمات حتى تعلمت لهولندية و حتى انا كنت من لعام لعام تانهبط لبلاد و نتوحش با حيت ماكنتش كانتوحشو و تهنيت من داك شقا لعروبية ... و كنت ديما تانقول ماعندي زهر و أنا زهري كان مخبي لي سعدي ..
النهاية .
إشترك بالنشرة البريدية