كنت كنعقل عندي 15سنة وحاملة ف5شهور وجالسة فوق واحد الكرسي فوسط الدار حيث كان الصباغ فالدار جامعين لفراش كيوجدو لولادة ديالي وعجوزتي الله يرحمها يلا دارت علاش جالسة فوحد البيت هي وحد السيدة وراجلها كيجيوها و2ديال لوايساتي هم كيهضرو ونا قدامهم وحد اللحظة طحت من الكرسي للارض ماشي ديل سخفة زدحا مع الارض فبديت كنطق بديت بلوستي وكملت بالضياف والغريب فالامر اني ملي نضت عقلت على اي حاجة قلتها وقلت ليهم شي حوايج طراو قبل تمنتزاد المهم فرشتهم ماعلينا نضت عادي تعشيت مشيت لبيتي نعس لغد فقت عادي قضيت شغلي تغديت نعست ملي فقت كنوجد فكسكروط طحت نفس الحالة دليلة لي قبل وفنفس التوقيت كان جا رجلي وخوه فناضو قالك نمشيو نجيبو فلان يقرى عليها وهذي هي الحاجة الزوينة لي دارو والدرب لي ساكنين فيه مكيخرجش وساكنة حدانة شوافة وشي 3ديال الشباب مشاألله عليهم كيديرو الرقية في سبيل الله فمشى لوسي يجري يجيب واحد فيهم فمن عند الله لقاهم ب3ومعاهم 2ثانيين فجاو قبل مايدخلو خداو الإذن تسترنا لعيالات انا مجبدة دخلو ولاو 7 5وراجلي ولوسي وانا هدشي كلو دايز على وذني بداو يقراو شوية تgعدت وطرت على هذاك المومن فيهم ولاو شد يما تشد غلبتهم ب7فاخر المطاف راجلي حكمني ليهم وهم كيقراو تبدات كتهدر الجنية قالك بغات الدبايح والدراري كيستهزؤوا منها قالو ليها باش دخلتيها واش بسحر قلت ليهم لا بعين وكتبكي فالحمام وفعلا كنت كندابز معاهم كندخل للحمام كنبكي تكنبرد ونغسل وجهي ونخرج ملي خداو عليها العهد بلي غادي تخرج نضت مشاو الناس طحت كومة فحال يلا وكلا قتلا لغد نفس المشكل وقع جاو2من الشباب بداو يصرعو شوية طلع فيا راجل وتبدل صوتي وبداو يهضرو معاه تهو قال ليهم نفس شيء عين وكتبكي فالليل فالحمام فسولوه شنو دينك قال ليهم مسلم فقالو ليه المسلم مكيتعداش ويدخل لجسم بغير وجه حق فبدا يضحك وبديت نتوgض فسولوني الدراري واش كتصلي قلت ليه لا قالي دبا حنا كنكبو الما فالرملة قالي خاصك تعاونينا فالصلاة فقلت وخا وصلهم لوسي ورجع من الزنقة دخل للحمام دوش مشا كيصلي وهذي نقطة ايجابية حيت يمكن الدراري خلعوه قالو ليه رتقدر يخرجو منها يدخلوك الله واعلم حيت معمرو ركعها كان غي الطاسة والقرطاصة بس ملي كيجيب الله العفو فواحد الساعة لغد نضت توضيت صليت الصبح عادي الظهر هو المشكل
الجزء الثاني
فالظهر جا لوسي قبل الظهر قلي انا وعجوزتي ولوستي غادي نصليو جماعة وعجوزتي فرحانة بولدها هداه الله مصائب قوم عند قوم فوائد معلينا اذن الظهر دخلت نتوضا اقسم بالله غسلت رجليا ويديا وفزgت راسي مع العلم كنعرف اصول الوضوء آنا كوثر مرضياش بس شي حاجة لداخل هي لي كتخليني ندير هكاك مشيت البيت لقيتهم يتسناوني لوسي قام الصلاة هو كيقرا ونا شداني الضحكة لاني فرحانة فحال يلا درت انجاز عظيم اني كنصلي بلا وضوء وصلنا للسجود هي الكارثة ملي حطيت جبهتي للارض حسيت فحال شي يد حكماني من قفاتي وكيخبط لي جباهتي مع الارض وضربات متتالية هما ملي شافو داك المنضر حبسو الصلاة وهذا غلط داروه قالها ليهم الراقي كان خاصهوم يكملو طحت كنغوت ونا ملي نطيح نحس شي حد خانقني ونا كنحيد يدو كنصدق مهبطا عنقي بلقميش ملي فقت عادت ليهم على لوضوء فولاو دروري شي حد يوقف عليا فالوضوء اما لخبيط ولفت بيه فاي صلاة كيوقع لي هكاك تكيساليو الصلاة عاد كنحبس لدرجة راجلي ملي كنت نخرج عيني فييه كيقولي هذ الجنون شتهم قصحو ليك السنطيحة بالخبييط ههههههه المهم اسبوع ونا على هذ الحال فعياو بهدشي ونا كيبان لي لخيال فالظلام مكنعسش فلوسي بدا يقلب على شي راقي متمكن وخا تبلفلوس هما دوك الاخوة لي كانو يجيو يصرعوني نعتوليه واحد السيد مشى عندو استقبلو وهو غي قريب لينا ومسمعنا بيه بس هذ العالم يعرفك لي معمر ظنيتي تعرفو حكالو على حالتي فقالو وهي فهذ الحالة منسقبلهاش غدي نعطيك الما درقية واذكار تبعهم وانت على اتصال بيا حيت الجن لي فيها خاصو يتهد عاد يتصرع لانو كافر وقالو صعيب باش يطلع را معندو لدين لملة وكيكونو كذابيين وفعلا جا لوسي وجاب معاه ديك البركة بديت نستعملها وهم حضيني لنزgل شي حاجة 3ايام ونا مزيان موظبة على الغسل وشرب الماء المقري والاذكار النهار 4جات ماما عندي هي وخوتي عاد ساقو لخبار غي شتها بديت عيق عيق بالبكا وكنقول ليها ديني من هنا ماما شافت دكشي تخلعات فيلم دجنون خطير باش منكملش الرقيا درت فحال يلا دوك الناس سجنيني ولويساتي وعجوزتي تخلعو حيت هنيين عرفيني مريضة وواحلة فراسي عطيني تيقار فبدات ماما كتغوت لوايساتي مرضاوش حيت مديرين لي ولو اييييييوا وهي تشبك لغوات لراس الدرب انا بغا نرمي راسي من الضواية راجلي ولوسي جايين يتجراو طلعو شافو لمنظر راجلي خرج يجري يجيب شي حد من الإخوة يقرى عليا لوسي جر ماما يهبطها لزنقة كيقول ليها غير هبطي نفهمك ونا لاصقة فيها وكنغوت ونبكي كي دوك لخدامات صغارات دلعروبية لي مسكينات كيتعداو عليهم ملي يجي باها على الشهر كتلصق فيه وفحال هكذاك وقع لي مفكوني منها غي بزز يعني ساعة ناقصة دازت علينا لمهم جا رجلي ومعاه الولد لي هبطت ليه وجهو مسكين لوسي وصل ماما ومشى عند الراقي عاود ليه لي طرا عاود عطاه ماء للغسل وهذ المرة الدار كاملة تغسل بيه تلويساتي لي مسكنينش معانا جاب دك لما لقا كلشي باقي فدار فقالهم خاص كلشي يغسل فلي مسكنينش معانا وحنا ملنا فحكم عليهم يوميا يجيو يغسلو عندنا باش يتاكد راهم غسلو بيه حيت هو من داك نوع لي عندو الهيبة وكلمتو مسموعة بدينا نغسلو بالما وغاديين عادي والاخوة كيجيو يقراو عليا الرقيا ومن طرائف لي وقعو وحد اليوم من نفس الاسبوع ولويساتي مجموعين كلهم وباقي مغسلوش وهو يدق واحد من الدراري كان ملتزم دخل لسيمي فشوية زاغ على طريق الله بس والله عندو واحد الصوت فالتلاوة مشاء الله عليه فلقا لويساتي سول على راجلي قالو ليه باقي مجا من الخدمة سول على لوسي قالو ليه غي تسناه راعرفك جاي فبقا واقف بحكم انهو ولد الحومة ولعبو صغار وكبرو جميع بقا كيبسط مع لويساتي عجوزتي فالكوزينة كتعجن دخلت عليها وهزيت مغرف دوك لكبآآآآر و مشفتنيش مفهمتش ونا دزت من حداها مشيت لخونا فالله نزلت عليه بين لكتاف بس بشوية ولويساتي كيموتو بالضحك هو عند بالو عجوزتي كضحك معاه الضربة 2دخلات معاه دار لقاني انا عينيه خرجو بواحد الطريقة غريبة فظليت عليه بديك لمغرف غي لكتاف وركابي لوايساتي يغوتو مدخلو يفكوه تكلاها مزيان باش يعلموه نتا جاي ترقي ولا جاي تغني بتونس بيك
.
الجزء الثالت
نكمل ليكم القصة طلعو عباد الله فكو مني الولد جاو رقاة لي عندنا فالحومة كيرقيوني هبطو الناس شوية كيسمعو لغوات فالدار خرج لوسي لقا ختو تاهية حاملة وغنولدو فنفس الاسبوع طاحت بلعظام مشا وحد فدراري يقرا عليها طاحت لخرا ملي سمعات الرقيا لوستي لي ارملة زغبها الله دازت من حدا بيتي كان محلول وممعايا حد نضت ليها كنجري وهي هربانة وقاصدة السرجم باغا تلاح منو طارو عليها خوتها جروها طاحت تهية تفركل وفنفس اللحظة طفا ضو غي عندنا لحومة كلها شاعل فيها ضو دار ولات مغولة لوسي تخلع خرج يجري عند الراقي يقولو على مصيبة الطايح كثر من نايض قاليه انا دبا عندي درس بلحق هذ الما رشو على خوتك ودار وسيدا جيبها لي غدا مور العصر رجع لوسي لقا كلشي يبكي وضو افي حالة يرثى لها عونوه دراري فالتحصين الدار ويرشو لما ضو جا لوسي مقليش رغدا تمشي عند الراقي دوشو لوايساتي مشاو لديوهم الصباح فقنا وجدت فطور جلست نفطر لوسي وهو يسولني صليتي قلت ليه باقي قالي سالي ونوضي ورا ورا العصر غاديين عند الراقي نآآآآآآآري ملي قلها قلبي تهز وحلات لي نضت قالو لي كملي لفطور قلت شبعت مشيت للحمام طرفت حالتي دخلت لبيتي من 9ونص ملقاوني حتى 3دلعشيا
.
.الجزء الربع
نكملو انا ملي دخلت لبيتي مصليتش بدلت حوايجي ولبست جلابتي ودرت ذهبي ودخلت لماريو لي كان عندي فالحيط ومن سابع المستحيلات يتوقع شي حد راني مخشية تم حيت ديق ونا مكلبزة وحاملة كي درت الله واعلم واول مرة مكنسمعش شكايدور فالدار لاني فعلا ترفعت كلقا راسي فدار كبيرة من ديور لبلديين وعامرة خدم كوحل وهزين طبوقة دلفضة وكيستقبلوني لحليب الثمر ذهب شي حجر كيقرقش العين ثواب دلحرير فشتى الالوان فلوس بس غي شقوفة وماشي لعملة ديالنا ولبخور غزال معمري لحد الآن مشميت فحالو انا مخديت والو غي كندفع فطبوقة بادب تكنسمع صوت مرا من مور حجاب بس وجهها ما شتوش كتبان لي غي طولة ديالها وهي تقول للخدم صافي مرداتش بينا خليوها على خاطرها
لمهم انا ملي مشات لمرا من ديك اللحظة محسيت تلقيت راسي فاسبانيا فحلبة ديال مصارعة الثيران والجمهور كثير ولغوات ونا فالوسط ديال لحلبة مع ثور كحل ونا فيدي زرواطة كبيرة كنضرب فيه وهو كيهز فيا بقرونو ويرضخني الارض وكنوض ويعاود يهزني ويرضخني انا كنضور فراسي فاجمهور ليعتقني شي حد بلحق مميزت توجه الا وجه واحد رجل بيض بلحية كحلة وفوقية بيضة ودينار الصلاة ومربع يديه وكيشوف فيا ملي انا كنت كنحقق فيه درت ملقيتش ثور شوية ونا لقا راسي طايحة فالارض ديال بيتي هزوني حطوني فوق ناموسية وباش تاكدت اني مكنتش كنحلم هو جلابتي موسخة بالتراب وعضامي مدgدgين
.
الجزء الاخير
من بعد نضت دوشت وبدلت حوايجي صليت الصبح والظهر والعصر جماعة خرجت انا ولوسي عند الراقي ونا غدا ومزيرة فالداخل ديالي وصلنا دقينا حل ولد صغير دخلنا لسطوان قال لينا تسناو شوية من بعد كسمع خطوات فالدروج محد لخطوات كتقرب ونا قلبي كيزيد يضرب ملي شفت الراجل الراجل طحت على وقفتي هو لي شفتو مربع يديه وكيشوف بس الطيحة لي طحت ماشي دجنون لمفاجئة هي لي دارت لي هكاك سخفت توgدت لقيت راسي فوق لحاف فواحد لبيت وحداية لوسي وراجل عوتاني جات عيني عليه بديت نبكي ونترعد كيقولي فيك لبرد كنقول ايه جاب لي بطانية ونا كنتهز من بلاصتي جلست غي بزز وسرحت رجلي وجمعت يدي فحال لي بغيت ندعي وشدني من راسي وبدا يقرا قال لي ملي تشوفي ضابة فكفك حركي رجليك بقا يقرا شي نص ساعة عاد بانت لي ضبابة حركت رجلي وهو كيقرى وهو يطير لي على يدي وشدني من صبعي لكبير وخشا ضفر بين ضفري ولحم منقولش ليكم الاحساس لي كتحسييه رهيب وهو كيقرا شوية وليت نتلوى باش نحيد ليه صبعو والو حكمني صافي شوية تبدل صوتي وبديت نهدر معاه مكيجاوبنيش غي كيقرا تسلا عاد بدا يهذر معاه فسولو واش مسلم جاه نيشان قاليه لا فبدا يسولو ويعرفو بالدين فقالو تسلم وافق الجن فتلى الشهادة من بعد قال ليه دبا نتا مسلم خاصك تخرج من هذ الجسد حيت حرام قال ليه وخا فندت قالي على سلامتك بس مشي اكيد لان اجن لكافر مفيه ثقة قاليه مزال 2دلجلسات وعا نحكم لمهم شرط عليا الصلاة منخليهاش والاذكار نضنا ودار معاية من بعد اسبوع نرجع عندو مشينا لدار فطاكسي وخا قريب داكشي لي داز عليا فيوم واحد بزاف اي جسد يستحملو رجلي هزيني بزز مشيت صليت جالسة مكليتش بغا غي نعس ماما لقيتها تسناني معطيتهاش وقت حيت بغا غي رتاح لقيتهوم عاودو ليها لي طرا حيت دارجدي عيطو ليها فالدمة قالو ليها بنتك جا لوسها يقلب عليها ناضت مشات لدارها نضت فالصباح عادي صليت وليت نحس بلجنين يتحرك لمهم كلشي عادي رجعت بعد اسبوع قرا سيد علية متحركتش قاليه جيبها لي قلت ليه بغيت نمشي عند ماما قالي شكون شادك سيري فين بغيتي غي الصلاة ثم الصلاة رجعنا قلت راجلي بغيت نمشي عند ماما قالي تلغدا نجي من لخدمة ونديك فعلا جا لقاني موجدة حوايجي مشينا عندها طلبات منو نسافرو عند خالتي نبدل جو فوافق سافرنا جلسنا 4ايام رجعت جارجلي داني كمل لاسبوع مشينا عند الراقي قرا عاود علية متحركتش فقال لي الحمد لله راكي بريتي مشينا فرحانين عجوزتي دارت صدقة ليا وعلى ولدها لي عفا عليه الله دازت ليام من بعد اخر جلسة بشهرين ونص ولدت فرحو بيا سالا سبوع شويا بدا يبان لي لخيال فوق لماريو قلت غي اوهام عاود بنتي تكون ناعسة ندير ليها مخدة ونخنقها تكتزراق ونحيد لمخدة ونعنقها ونبدا نبكي ومقدرتش نقولها لي فعقلي كيقول لي ردبا يخدوها ليك ويدوك للحبس وحد لمرة لوسي فبيتو وسجالة فسط الدار وسجالة قبالتو فيها سورة البقرة مشيت جبدت لكاسيط وقطعت ليها سينتا ورميتها تحت لفوطوي ورجعت لبيتي فحال يلا مدرت والو لوسي خرج يشوف مالها حيت كتقلب راسها حل ملقا لكسيط لوالو تسلسع مضنش نكون انا سول مو وختو مشافو والو ومبغاش يسولني من بعد 3ايام مشيت لدارنا جيت لقيتهوم خملو لقاو لكاسيط مقطعة لوسي تلاقا الراقي عاود ليه حيت بقا على علاقة طيبة معاه وكيمشي لدروس ديالو قاليه اكيد قطعات صلاة قاليه ايه حيت نفيسة قاليه دبا ولا عندنا مشكل خاص الحرق قاليه لوسي واش صعيب قاليه كل ليداز فسبيل الله اما لحرق خاص بخور وغالي قاليه شنو خاص قال300درهم عطاه 500درهم قال ليه وجدو لي بطانية قديمة مجمر جديد راس قصبة دصيادة قاليه وخا ونا مفراسي والو نخليكم نوجد غداتي ونكمل ليكم الجزء الاخير ديال حرق الجن
.
ملي سولتهم على كفاش لقاوني كيعاودو لي بلي شافوني تعطلت جات عجوزتي دق فبيتي مجوبتهاش هي تحل لقات لبيت خاوي شدهم لحماق ميمكنش نهبط دروج ميشوفونيش مخلاو سطح مخلاو جيران مشاو لدارنا ملقاو تحد مشاو لدار جدي والو لوستي قالت انشوف واش هربت بجلابة ولا خرجت هكذاك حلات دفة دلماريو كتقلب فالعلاقات ملقاتش وحدة قالت لتكون طايحة هبطات يديها وهي تقيس اللحم غوتات حيث مطحتش ليها فالبال اني نكون انا فجاو حلو ساقطة فيها فاش طحت للارض مسخة ومغبرة فيها فاش عودت ليهم شنو شفت وراجل ديال الحلبة وهو يقول لي على حساب الوصف هذاك هو شكل الراقي لي غنشوفو مور العصر ر سنة كاملة ونا فهذ لحال
.
نكمل ليكم قصتي من بعد اسبوع جا الراجل وهذشي كلو ونا مفراسي ميتعاود تحطو عليا جا هو ومعاه واحد الاخ باقي شاب وعندو وحد ليدين خباطات هنتوم غتعرفو لاش يصلاحو دخلو لبيت لوسي جا رجلي عندي قالي تستري سي حمادي بغا يشوفك معرفت باش تبليت مشيت لعندهم لقيتهم مفرشين لي بطانية فالارض قالي جلسي جلست سولني كي بقيت قلت ليه الحمد لله واش كتصلي ايه واش كديري الاذكار ايه واش باقا تحلمي لا قالي عرفتي لاش جيت ليوم قلت ليه لا قال لي باش نقرا عليك شي بركة وجلسي كي موالفة يعني طالقة رجلي وبعيدة على الحيط رجاو من ورا الظهر بشي ساعة كاين راجلي ولوسي والاخ لي جا معاه والراقي بدا الرقية وشادني من صبعي لكبير درجلي اذن العصر صليناه ورجع يقرا حتى للمغرب ناضو مشاو مدار لي لبخورلوالو انا ملي مشا عاد رتاحيت فحال يلا كانت تقلة فقلبي نعست ومبقاو يجبدو والو قدامي وليت نشوف لخيال دايز بزاف ولا كيدخلني الشيطان فالصلاة الفاتحة فلساني وعقلي فجيهة اخرى وليت كنشوف شي حوايج كيطراو مشيت نحماق فقلت راجلي بغيت نشوف سي حمادي مسولني لا علاش لا والو حيت فراسو شي حاجة قالي واخا يخد ليك خاي موعد معاه دازت 3ايام على طلبي قالي را سي حمادي جاي غدا ديك ليلة كل ساع نايضة قا فزة كنكل دقة كنقفز الصباح بدا يبان لي الانتحار عاود كنشوف فبنتي ونبكي وعاود كيقولو لي قجيها هي وعاد قتلي راسك للمهم تخربقت ولازال الحال على ما هو عليه الى بان شي جديد غادي نجي نكمل ليكوم القصة
إشترك بالنشرة البريدية